لعبة الحوثي: اجلد الحوثي
«اجلد الحوثي» لعبة سعودية مجانية تفشّ فيها خلقك في الحوثي: تجلده بالعقال، ترميه بالنعال، تدعسه بالشاص، وتغرّقه بالميرندا. تشتغل من متصفح جوالك أو كمبيوترك على طول، بدون تحميل، والتسجيل اختياري.
العب لعبة الحوثي الحينكيف تلعب؟
اختار سلاح من تحت واضربه: اسحب إصبعك عليه بالعقال، اضغط عليه بالنعال والطماطم، أو امسكه بيدك وارمه على الجدار. كل ضربة تجيب لك ريالات تشتري فيها أسلحة أقوى وتطوّرها لين المستوى الخامس، والحوثي يتحداك بتحديات تجيب لك ريالات زيادة. وإذا تبي تختصر الطريق، تقدر تشتري علب «ميرندا برتقال» وتشتري فيها أي شي.
الأسلحة
- عقال: اسحب إصبعك عليه بسرعة واجلده جلد
- نعال: النعال الطاير، الله يكرمك. سلاح الأمهات الأول
- يدك: اسحبه وارمه على الجدار، أو اعطه كف
- طماطم: ارمه بطماطم وخله سلطة
- بيض: بيض طازج على وجهه... بس ناقصه خبز
- مسدس: طلقة طلقة... ويطلع القطن
- دلّة: دلّة قهوة حارة. كرم وضرب بنفس الوقت
- طراطيع: طراطيع العيد تطقطق حوله وتحرقه
- شوزن: شوزن صيد... رشّة وحدة تكفي
- صاعق: اضغط عليه وخلّك ضاغط... يشحن كهربا
- قنبلة: شيل المسمار وارمها... وابعد
- رشاش: اضغط وخلّك ضاغط... يصير منخل
- آر بي جي: قاذف على كتفك. اضغط وين تبي والقذيفة تروح له سيدة بدخانها وتنفجر فيه
- شاص: شاص يفحّط ويدعسه. وين ساهر؟
- صاروخ: آخر الحلول... بووووم
- قات: ربطة قات أغلى من راتبه. ارمها عليه وشف فكّه وين يطير
- أسد: أسد حقيقي يزأر ويدخل ركض، ينقض عليه ويعضه ويسحبه في الأرض. وأول هجمة تفتح لك عرين الأسد
- نووي: صفارة إنذار ووميض أبيض وفطر نووي، والمكان كله يصير أرض محروقة. وأول ضربة تفتحها لك
- سلك شاحن: سلاح الأمهات الأسطوري. اسحب إصبعك عليه بسرعة وخلّ العلامات الحمر تتكلم
- ميرندا برتقال: علبة ميرندا برتقال عملاقة تغرّق المكان كله. يطفو ويغرق ويشرق، والفوار يطلع من خشمه
- سيارة سامي: مدرّعة هيت من سامي، صناعة سعودية. تجي برشاشها وتدعسه دعس
- الأباتشي: الجنية السوداء! تطفّي النور وتجي من الظلام، ترش المكان كله بالرشاش وتضربه بالهيلفاير. وأول طلعة تفتح لك ماب الجنية السوداء
الأماكن
تجلده في المجلس، أو تنزّله البيارة اللي ريحتها تكتمه طول الوقت لين يطيح، أو تجيه بالليل في الجنية السوداء مع الأباتشي، أو في عرين الأسد، أو في الأرض المحروقة بعد ما ينزل عليه النووي.
تحدي الدقيقة والترتيب
عندك دقيقة وحدة تجمع فيها أكبر عدد نقاط، والكومبو يضاعف نقاطك لين خمس مرات. نتيجتك تنزل في ترتيب اللاعبين، وتقدر ترسل تحديك لاخوياك.
أسئلة
هل لعبة الحوثي مجانية؟
إي، مجانية وتقدر تجمع كل شي باللعب. وفيها مشتريات اختيارية: علب «ميرندا برتقال» تختصر فيها الطريق.
كيف أنزّل لعبة الحوثي على الجوال؟
ما تحتاج تحميل. افتح houthi.ia7dev.com من جوالك، وتقدر تضيفها للشاشة الرئيسية من قائمة المتصفح وتصير مثل التطبيق.
هل تشتغل على الآيفون والأندرويد؟
إي، تشتغل على أي جوال أو كمبيوتر فيه متصفح.
كيف أحفظ تقدمي؟
اضغط «احفظ تقدمك» تحت وسجّل دخولك بإيميلك أو بحساب Google. بعدها تقدمك ينحفظ في حسابك، وترجع له من أي جوال أو متصفح.
تقدمي راح، وش أسوي؟
إذا كنت مسجّل دخولك، ادخل بنفس الإيميل ويرجع لك كل شي. وإذا كنت تلعب بدون حساب، التقدم محفوظ في المتصفح اللي لعبت فيه بس، فارجع له وسجّل دخولك هناك عشان ينحفظ.
وش هي علب الميرندا؟
عملة اللعبة اللي تنشرى بفلوس حقيقية: تشتري فيها أسلحة وترقيات وأماكن، أو تحوّلها لريالات. تدفع عن طريق Tap بمدى أو Apple Pay أو البطاقة.
كيف أسترجع فلوسي؟
لو انخصم منك مبلغ وما وصلتك العلب، أو انخصم مرتين، راسلنا من «تواصل معنا» خلال 7 أيام واكتب إيميل حسابك ووقت الدفع، ونرجّع لك المبلغ كامل.
العب لعبة الحوثي الحين ارجع للعبة